Plot : Matapos mapaslang ang kanilang ama dulot ng pagkalulong nito sa masamang bisyo, halos abandonado na ang magkapatid na sina Princess (Pauline Mendoza) at Charm (Devon Seron) nang palayasin sila ng sarili nilang ina. Dahil dito, kinupkop na sila ng kanilang tiyahin na sa una lang pala mayroong malasakit—kalaunan ay pinaglimos na sila sa kalye at ginawa pang mga drug runner! Mahanap pa kaya ng magkapatid ang wastong kalinga na nararapat para sa kanila?
Plot : Hindi lubos akalain ni Emily (Arny Ross) na magagawang paslangin ng kanyang tiyuhin ang sarili nitong mga pamangkin. Bukod pa rito, kahit ang asawa niyang si Ben (Kristoffer King) ay lulong sa masasamang bisyo kaya’t hindi ito maaasahan. Inilayo man kay Emily ang kanyang mga anak, gagawin niya ang lahat makapiling lamang sila muli.
Plot : Bata pa lamang si Budang ay nakararanas na siya ng matinding pasakit mula sa kanyang lasenggerong tiyuhin. Kahit ang kanyang sariling ina ay nagawa siya iligaw na parang pusa dahil na rin sa kahirapan. Sa kabila ng mga masalimuot na karanasan na ito, taas-noo na tumayo si Budang at nagsikap upang maabot ang kanyang pangarap sa tulong ng kanyang Ma’am Nanay sa paaralan.
Plot : Dahil produkto siya ng isang ‘broken family,’ halos mapariwara na ang buhay ng binatang si Avatar (Bryce Eusebio) at naimpluwensiyahan na maging magnanakaw. Naging mainit ang mata sa kanya ng mga awtoridad ngunit kalaunan, nagbagong-buhay ito at kalaunan ay naging asset siya ng mga pulis.
Plot : Katulad ng karamihang ilaw ng tahanan, handang unahin ang kapakanan ng kanyang pamilya ang nanay na si Lenie (Valerie Concepcion). Sa kabila nito, masusubukan ang kanyang paghihirap at pagtitiyaga habang pinakikisamahan ang mister niyang si Landy (Paolo Paraiso) na pabaya at parati na lamang naglalasing. Malampasan kaya ni Lenie ang karahasang dinaranas ng kanyang pamilya laban sa kanyang asawa?
Plot : Kahit pursigidong makapagtagpos ng pag-aaral, hindi sukat akalain ni Mylene (Valeen Montenegro) na sariling magulang niya pa ang magpapatigil sa kanya at nagdesisyong mamasukan siya bilang kasambahay. Kasama ang kaibigang si Leilanie (Arny Ross), laking gulat nila na ibang trabaho pala ang kanilang napasukan—cyber prosti! Kayanin kaya ng sikmura nila ang trabahong ito para kumita?
Plot : Sa kabila ng pagtutol ng mag-anak ni Jocelyn (Meg Imperial) kay Julius (Martin Del Rosario), pinili pa rin ng una ang idinidikta ng kanyang puso kahit na batid niyang lulong ang kanyang nobyo sa bawal na gamot. Matulungan kaya ni Jocelyn si Julius na maihinto ang kanyang bisyo o pagsisihan niya ang desisyong sumama rito?
Plot : Madalas nalalagay sa peligro ang buhay ang pamilya ni Joan (Lauren Young) nang dahil sa bisyo ng mister niyang si Berto (Geoff Eigenmann) sa tuwing umuuwi ito ng lasing. Silang mag-iina, madalas na napagbuhuhatan ng kamay dulot ng bisyo ni Berto. Hanggang kailan kaya ito magagawang pakisamahan ni Joan kung sariling buhay na nila ang nakataya rito?
Plot : Mula nang maghiwalay ang mga magulang ni Joshua (Adrian Pascual), doon na siya naninirahan sa pinsan niyang si Gino (Joshua Jacobe) kasama ng kanilang tiyahin. Lingid sa kanilang kaalaman, mayroon palang isang lalaki na tila palaging nagmamanman sa kanila! Ano kaya ang pakay ng lalaking ito sa magpinsan?
Plot : Unang nagkakilala sina Alex (Epi Quizon) at Jenny (Lovely Abella) sa karinderya kung saan naging serbidora ng una ang huli, hanggang sa magkapalagayan sila ng loob. Kahit na buntis, binubugbog pa rin si Jenny ng kanyang asawang babaero at may malungkot na buhay kaya siya ang nagtataguyod sa anim niyang mga anak. Malampasan pa kaya ni Jenny ang sunod-sunod na unos sa kanyang buhay?