AIRED: Aug 26, 2017
Stars : Lovi Poe, Migo Adecer, Mailes Kanapi
Plot : Sa pag-asa na muling makapiling ang kanyang ina, nagpursigi sa pagiging isang guro si Pia (Lovi Poe) upang makapagtrabaho siya sa Amerika. Ano kayang kapalaran ang naghihintay sa kanya sa pakikipagsapalaran niya sa ibang bansa?
AIRED: Nov 30, 2019
Stars : Rochelle Pangilinan, Biboy Ramirez, Paolo Paraiso
Plot : Matapos mahuli ng kanyang asawa noon, hindi sukat akalain ni Evelyn (Rochelle Pangilinan) na maaaring masira ang kanyang pamilya kung ipagpapatuloy pa niya ang pakikipagrelasyon sa kaibigan nitong si Rodney (Paolo Paraiso) kaya hiniwalayan niya na ito. Sa kabila ng muling pag-aayos ni Evelyn at ng asawang si Ben (Biboy Ramirez) na isang OFW, bigla muling susulpot si Rodney para sirain ang pagsasama ng mag-asawa sa pamamagitan ng paggawa ng video scandal. Ano kaya ang naiisip na solusyon ni Evelyn?
AIRED: Dec 7, 2019
Stars : Rochelle Pangilinan, Biboy Ramirez, Paolo Paraiso
Plot : Walang kamalay-malay si Evelyn (Rochelle Pangilinan) na malalagay ulit siya sa isang patibong nang i-blackmail siya ni Rodney (Paolo Paraiso) na ipagkakalat nito ang kanilang video scandal kung hindi papayag ang una sa mga nais ng huli. Sa kabila nito, ang tsismosang kapitbahay ni Evelyn na si Teresa (Mystica), ipinagkakalat sa mga tao na mayroon pa rin itong relasyon kay Rodney! Matuklasan kaya ni Ben (Biboy Ramirez) ang pinaggagawa ng kanyang asawa sa Pilipinas habang naghihikahos sa ibang bansa?
AIRED: Jul 14, 2018
Stars : Sheryl Cruz, Shyr Valdez, Aira Bermudez
Plot : Ang inaakalang magandang buhay sa South Korea ni Genie (Sheryl Cruz) ay nauwi sa isang masalimuot na pagkabigo nang malaman niyang nambababae pala ang Koreano niyang kinakasama. Habang nakikipagsapalaran sa ibang bansa, paano kaya niya malalampasan ang mga pagsubok nang mag-isa at patuloy na lumalaban para sa kanyang pamilyang nawalay sa kanya?
AIRED: Dec 9, 2017
Stars : Gardo Versoza, Maria Isabel Lopez, Jak Roberto
Plot : Matapos mabiyudo sa kanyang namayapang asawa, napilitan si Miong (Gardo Versoza) na mangibang-bansa para maitaguyod ang kanyang pamilya. Habang nakikipagsapalaran sa Bahamas bilang isang all-around helper, nagsikap siya sa pagtatrabaho para makapagpadala ng pera sa naghihirap niyang pamilya sa Pilipias. Sinakripisyo man niya ang pagiging ama, maganda naman ang naging bunga nito dahil hindi niya lubos akalain na pamamanahan siya ng kanyang amo roon.
AIRED: Jun 16, 2018
Stars : Bembol Roco, Mikoy Morales, Klea Pineda
Plot : Matapos ang ilang dekadang pagtatrabaho sa Netherlands bilang isang driver, napilitang umuwi ng Pilipinas si Jun (Bembol Roco) nang dahil sa kanyang kondisyon. Sa kanyang pag-uwi, hindi niya lubos akalain na tuluyan nang lumayo ang loob sa kanya ng mga anak niyang sina Joel (Mikoy Morales) at Jessa (Klea Pineda), na tila napariwara ang buhay mula nang lumisan siya. Maayos niya pa kaya ang pakikisama niya rito? Mabuo pa kaya ang kanilang pamilya?
AIRED: Nov 24, 2018
Stars : Mikoy Morales, Fabio Ide, Arianne Bautista
Plot : Upang matulungan ang kanyang pamilya, nangibang-bansa ang breadwinner na si Regine (Mikoy Morales) at naghanap ng kabi-kabilang trabaho para makapag-ipon ng perang ipadadala sa Pilipinas. Hindi man madali para sa kanya na harapin ang mga hamon at diskriminasyon sa ibang bansa bilang isang transgender woman, pinatunayan niya na hindi hadlang ang kasarian para magampanan ang kanyang trabaho roon. Paano kung kapwa Pinoy pa ang kumakalaban sa kanya?
AIRED: Jul 7, 2018
Stars : Diana Zubiri, Francine Prieto, Angeli Bayani
Plot : Tanging hiling lamang ng OFW na si Leslie (Diana Zubiri) ang makapagtrabaho nang marangal bilang domestic helper sa Egypt. Ngunit pagdating niya roon, tila pinagpasa-pasahan siya ng mga banyaga bago kupkupin ng kanyang amo na si Neith (Francine Prieto). Lingid sa kanyang kaalaman, mayroon pala itong problema sa pag-iisip at nagawa pa siyang pagsamantalahan ng nobyo nitong si Rameses (Paolo Paraiso)! Makaligtas pa kaya si Leslie bago pa mahuli ang lahat?
AIRED: Jun 17, 2017
Stars : Yasmien Kurdi, Biboy Ramirez, Glenda Garcia
Plot : Dahil halos isang kahig at isang tuka na ang kanilang pamilya sa Pilipinas, napilitang mangibang-bansa at mag-TNT sa South Korea ang mag-asawang sina Liza (Yasmien Kurdi) at Nelson (Biboy Ramirez). Kahit pa mahirap ang kanilang buhay roon dahil travel visa lamang ang dala nila, handa silang isugal ang lahat alang-alang sa kapakanan ng nag-iisa nilang anak.
AIRED: Jul 29, 2017
Stars : Diana Zubiri, Leandro Baldemor, RJ Agustin, Dexter Doria
Plot : Kahit na dalawang buwan pa lamang siyang kasal sa kanyang asawa, nakipagsapalaran na sa ibang bansa si Nette (Diana Zubiri) para maglingkod bilang isang nurse sa Syria. Sa kabila ng gulong hinaharap ng bansa kung saan siya nagtatrabaho, hindi niya sukat akalain na makukupkop niya ang isang batang refugee roon na napamahal na rin sa kanya. Paano kaya niya ito ipaliliwanag sa kanyang mister na hindi niya nakausap ng halos limang taon?