Plot : Dahil nalulong na sa pagsusugal si Tisoy (Jak Roberto), naisangla niya na ang halos lahat ng kanilang mga ari-arian sa bahay para lang makataya. Higit pa rito, maging ang sarili niyang misis na si Lena (Winwyn Marquez) ay ginawa na rin niyang pusta sa sugalan! May makapigil pa kaya sa masamang bisyong ni Tisoy na naging ugat pa ng sunod-sunod na krimen?
Plot : Lumaki nang ulila ang dalagang si Jenny (Kyline Alcantara) at ang tiyahin niya na lamang ang kumupkop sa kanya kasama ang tatlo niyang pinsan na kapwa mayroong sakit sa pag-iisip. Nagiging tampulan man ng tukso sina Abraham, Alejandro at Kevin, handa si Jenny na ibuwis ang kanyang buhay para sa mga ito dahil batid niya na pantay lamang dapat ang tingin sa mga taong katulad nila.
Plot : Hirap man sa buhay ang mag-asawang Fely (Luz Fernandez) at Sito (Lou Veloso), hindi naman sila nagkulang sa paggabay at pagpapalaki sa kanilang mga anak. Ngunit ang isa nilang anak na si Ferdinand (Marco Gumabao), napariwara at minsan nang nakulong dahil sa droga. Sa paglaya nito, tuluyan na kaya itong magtino at iwasan na ang masamang bisyo?
AIRED: October 24, 2020
Plot : Pilit na sinisikap ni Nora na tulungan ang kanyang asawa sa pamamagitan ng pagbebenta ng lomi ngunit tila hindi sila nilulubayan ng kamalasan! Hanggang sa isang araw, may napaginipan siyang mga numero na agad naman niyang tinaya sa lotto. Isa ba itong pahiwatig na siya ang mananalo sa lotto? Paano kung ang inakala niyang suwerte ay maging mitsa ng sunod-sunod na kamalasan?
Plot : Matapos siyang yumao, hindi lubos akalain ng mag-anak ni Jojo (EA Guzman) kung bakit tila hindi matahimik ang kaluluwa ng kanilang ina na si Leonora (Glenda Garcia). Lingid sa kanilang kaalaman, mayroon palang misteryo sa likod ng kanyang pagkamatay! Ano kaya ito?
AIRED: November 7, 2020
Plot : Sobrang saya ni Rowena noon nang ikinasal siya kay Edward dahil buong akala niya ay tapat ito sa kanya at handa nitong tanggapin ang kanyang anak. Hanggang sa dumating ang araw na isa-isa na pa lang tinutuhog ng kanyang mister ang kanyang mga kumare na dumalo mismo sa kanilang kasal. Saan kaya hahantong ang pagtataksil na ito?
Plot : Upang mabigyan ng magandang buhay ang kanyang pamilya, mula Cebu ay minabuti ni Sheryl (Alessandra de Rossi) na lumuwas pa-Maynila para mamasukan bilang kasambahay. Kayod-kalabaw man siya sa kanyang trabaho, madalas naman siyang minamaltrato ng kanyang amo.
Hanggang saan ang kaya niyang tiisin alang-alang sa kanyang mga mahal sa buhay?
AIRED: December 26, 2020
Plot : Simple lang ang plano ni Obet para sa kanyang pamilya, ito ay ang mabigyan ng magandang buhay ang kanyang mag-iina ngunit nang dahil sa isang aksidente, nawala na parang bula ang lahat ng kanyang pangarap para sa kanyang pamilya.
Plot : Mula nang pumanaw ang ama ni Ren (Katrina Halili), ang kanyang ina na ang mag-isang nagpalaki sa kanya. Silang dalawa man ang magkasama, nakararanas pa rin si Ren ng pagmamalupit at pananakit mula sa kanyang ina. Hindi lang dito natatapos ang lahat, dahil nang minsang umibig si Ren, naging karibal pa niya ito! Maayos pa kaya ang pagsasama ng mag-ina?
Plot : Teenager pa lamang si Niño (David Licauco) nang mawalan siya ng paningin, na sanhi ng pagkakaroon niya ng glaucoma—isang uri ng sakit sa mata. Sa kabila ng kanyang pagkabulag, hindi ito naging hadlang upang mahanap niya ang babaeng magmamahal sa kanya—si Lorlie (Shaira Diaz). Paano kaya hinarap ang sunod-sunod na pagsubok sa buhay nang magkasama?